L-Istitut għal Studji Ambjentali (IES) huwa organizzazzjoni akkademika privata li toffri programmi edukattivi u li tmexxi riċerka fil-qasam tax-xjenzi ambjentali.  Fiċ-ċentru tal-Mediterran, f’Malta, l-IES qiegħed f’post ideali biex joffri tagħrif fuq aspetti ta’ l-ambjent fi sfond reġjonali lill-dawk kollha li jixtiequ jkunu jafu aktar fuq dan is-suġġett, kif ukoll biex jagħmel riċerka fuq l-ambjent.  Malta tinstab f’pożizzjoni strateġika fin-nofsinhar ta’ l-Ewropa u fit-tramuntana ta’ l-Affrika ta’ Fuq, u b’hekk joffri post ċentrali li faċli jintlaħaq mill-pajjiżi li huma mħaddna mill-baħar Mediterran.

L-IES għandu għarfien bħala Ċentru ta’ Tagħlim mill-Ministeru ta’ l-Edukazzjoni (Ċertifikat Numru 14/2007).

Il-biċċa l-kbira tal-programmi edukattivi li l-IES joffri għandhom rabta ma’ aspetti ta’ l-ambjent Mediterranju, u huma offruti bħala korsijiet qosra.  Għalhekk, l-IES qed joffri l-opportunità kemm lil dawk il-parteċipanti lokali, kif ukoll lill-dawk internazzjonali, biex isaħħu t-tagħrif tagħhom tal-karatteristiċi ambjentali Mediterranji.

L-IES jista’ jgħinnek biex issir taf aktar dwar l-ambjenti naturali u l-ħajja tal-baħar fil-Mediterran, kif ukoll fuq il-flora u l-fawna li jikkaratterizzaw kemm l-ambjent ta’ fuq l-art kif ukoll dak ta’ l-ilma ħelu.  Tista’ ssir taf aktar ukoll billi tissieħeb fil-mawriet tagħna fl-ambjent u b’hekk tieħu espejenza mill-qrib minn għand ix-xjenzjati dedikati tagħna, kemm fil-laboratorju, kif ukoll barra fl-ambjent naturali.  Jekk mill-banda l-oħra inti għandek il-ħsieb li tqatta’ il-btala tiegħek f’Malta, għaliex ma żżewwaqx din il-vaganza tiegħek b’kors qasir fuq l-istorja naturali ta’ Malta!

L-IES joffri wkoll l-opportunità għal aktar taħriġ fix-xjenzi ambjentali lill-istudenti, anki dawk li diġa ggradwaw mill-università.  Din l-esperjenza tinkiseb kemm fuq għadds xjentifiku, kif ukoll fis-sħubija fir-riċerka u programmi ta’ moniteraġġ li l-IES jniedi.

L-IES huwa kburi li qed joffri livelli ta’ korsijiet li jkunu mfassla apposta għall-parteċipanti mill-livelli kollha tas-soċjeta.  Il-korsijiet ta’ l-IES għandhom firxa minn korsijiet ta’ tagħrif bażiku, sa tagħrif għal studenti li diġa għandhom kwalifiċi universitarji.

Institute for Environmental Studies ©2007
All rights reserved.

Aħbarijiet u Avviżi

more

Korsijiet imfasslin għal matul l-2009 

Wara s-suċċess tal-kors "Siġar Indiġeni Maltin" li kien imniedi f'Marzu ta' din is-sena, l-IES qed jipprepara kors ta' introduzzjoni imsemmi "L-Ambjent naturali u l-ħajja li tgħix fihom fil-gżejjer Maltin", li ser  jinkludi field visit. Dan il-kors ser jittella’ bejn il-5 u t-13 ta' Mejju 2009.

Korsijiet

more

L-IES joffri numru ta’ korsijiet qosra marbuta max-xjenzi ambjentali.  Korsijiet fit-tul li jwasslu għal-degree jew diploma, għadhom mhux qed jiġu offruti għalissa.

Riċerka

more

L-IES għandu rabta mar-riċerka fix-xjenzi ambjentali, b’attenzjoni speċjali dwar l-ekoloġija u x-xjenzi naturali.

Attivitajiet imwettqa

Laqgħat għall-operaturi u l-impjegati ta' l-irziezet tal-ħut

Dawn il-laqgħat jiġbru fihom numru ta’ taħdidiet fuq aspetti bażiċi tal-ħajja ta’ taħt il-baħar u l-ambjenti tagħha, it-tkabbir tal-ħut u l-moniteraġġ ta’ l-attivitajiet ta' l-irziezet tal-ħut.

Attivitajiet ta' dan l-aħħar

Siġar Indiġeni Maltin

Bejn id-9 u l-11 ta’ Marzu 2009, l-IES tella' kors qasir fuq is-siġar indiġeni u l-ambjent naturali tagħhom li kien jikkonsisti fi tlett sezzjonijiet ta' tagħrif filgħaxija u żewġ field visits.

L-Ambjent naturali u l-ħajja li tgħix fihom fil-gżejjer Maltin - livell intermedjarju

Dan il-kors intermedjarju fuq il-flora, l-fawna u l-ambjent naturali tal-Gżejjer Maltin ttella' mill-IES bejn is-17 u s-26 ta' Novembru 2008.

L-Ambjent naturali u l-ħajja li tgħix fihom fil-gżejjer Maltin

Dan il-kors ta' nntroduzzjoni fuq il-flora, l-fawna u l-ambjent naturali tal-Gżejjer Maltin ttella' mill-IES bejn is-18 u s-27 ta' Ġunju 2008.

Introduzzjoni għall-EIA

L-IES tella’ kors ta’ jumejn fuq il-prinċipji ta' l-istima ta’ l-impatt fuq l-ambjent bejn l-24 u l-25 ta’Ġunju 2008, bħala l-ewwel minn sensiela ta' korsijiet fuq l-istima ta’ l-impatt fuq l-ambjent.

EIA u SEA: passat, preżent u futur

L-IES tella’ seminar ta’ jumejn fuq l-istima ta’ l-impatt fuq l-ambjent u l-istima strateġika mill-aspett ambjentali.  Dan is-seminar ittella’ bejn it-8 u d-9 ta’April 2008.

Siġar Indiġeni Maltin

L-IES tella' kors qasir filgħaxija fuq is-siġar indiġeni Maltin, bejn il-11 u t-13 ta’ Frar 2008.  Minħabba t-talba li kien hemm għal dan il-kors, dan reġa ġie mtella’ bejn it-18 u l-20 ta’ Frar 2008.

Seminar ta’ taħriġ dwar l-analiżi ta’ EIA

L-IES flimkien ma’ Sherwood Sustainability & Environmental Associates (UK), tellgħu seminar ta’ ġurnata fuq Environmental Impact Assessment, Review Training.  Dan is-seminar sar fis-7 ta’ Novembru 2007 fil-Hotel Coastline fejn reġa ġie mtella’ l-għada t-8 ta’ Novembru 2007.

Seminar ta’ taħriġ għall-ħaddiema tal-kosta

29 ta' Ottubru 2007

Dan is-seminar bil-Malti ta’ nofs ta’ nhar, kien jifforma parti minn attivitajiet li l-Awtorità tat-Turiżmu ta’ Malta għandha l-ħtieġa li tagħmel bħala parti mill-proċess biex tagħżel żewġt ixtut lokali biex jiġu meqjusa bħala xtut Blue Flag.

Bidu għall-Eko Diving

3 ta' Awissu 2007

Il-kunċett ġdid ta’ Eko Diving, ġie varat fil-Hotel Coastline bil-għan li joffri attività ta’ għadds ġdid għal dawk li jixtiequ jsiru jafu aktar fuq l-ambjent tal-baħar tal-Mediterran.

Taħriġ bażiku fil-bioloġija tal-baħar I

Dan il-kors offra tagħrif fuq l-aspetti differenti ta’ l-ambjent tal-baħar, kif ukoll żjarat kemm viċin u taħt il-baħar kif ukoll fil-laboratorju.

Wirja ta’ tagħrif fid-Dwejra Tower – Għawdex 

Plakek b’tagħrif fuq iż-Żona Marittima Mħarsa li hemm fid-Dwejra Heritage Park Għawdex, ġew iddiżinjati bla ħlas mill-IES u mgħoddija lin-Nature Trust.

Made by
Square Concept