Attivitajiet ta' dan l-aħħar

 

EIA u SEA: passat, preżent u futur

L-IES tella’ seminar ta’ jumejn fuq l-istima ta’ l-impatt fuq l-ambjent (EIA) u l-istima strateġika mill-aspett ambjentali (SEA).  Dan is-seminar ittella’ bejn it-8 u d-9 ta’April 2008 u kien imexxi mill-Professur Brian D. Clark mill-Universita’ ta’ Aberdeen, li hu espert fuq stimi ambjentali, bi tnejn u għoxrin sena ta’ esperjenza fl-ippjanar u l-immaniġġar ta’ l-ambjent urban u dak reġjonali fir-Renju Unit, l-Ewropa u pajjiżżi oħra.

Is-seminar kien iddisinjat biex jgħarraf  lill-parteċipanti dwar ir-rwol tal-proċess ta’ l-SEA, li jassigura s-sostenibbilta’ tad-deċiżjonijiet strateġiċi. Dan iwassal għall-EIA aktar effiċjenti fuq livell ta’ proġett. Għal dan is-seminar attendew professjonisti fl-ippjanar, dawk li huma nvoluti f’politka u deċiżjoniet, konsulenti fil-qasam ta’ l-ambjent u professjonisti li jispeċjalizzaw fi stimi, ippjanar u mmaniġġar ambjentali, mis-settur pubbliku kif ukoll mis-dak privat.

 

         

                           Ritratt meħud waqt is-seminar

 

 

Siġar Indiġeni Maltin

Dan il-kors qasir li sar filgħaxija ttella bejn il-11 u t-13 ta’ Frar 2008.  Iżda, minħabba t-talba kbira li kien hemm għal dan il-kors, reġa sar bejn it-18 u l-20 ta’ Frar 2008.

Il-kors, li kien bil-Malti, ġibed numru ta’ parteċipanti minn oqsma differenti. Fost dawn kien hemm dawk minn entitajiet governattivi, bħal ngħidu aħna, mill-Kunsilli Lokali, uffiċjali mill-Awtorità Maltija ta’ l-Ambjent u l-Ippjanar (MEPA), uffiċjali u ġardinara mill-Ministeru ta’ l-Affarijiet Rurali u l-Ambjent (MRAE).  Parteċipanti oħra kienu msieħba f’għaqdiet mhux governattivi (NGOs), f’entitajiet privati, kif ukoll ġardinara, u membri tal-pubbliku nġenerali.

        

 

 

Seminar ta’ taħrig fl-analiżi ta’ l-EIA

L-IES u Sherwood Sustainability& Environmental Associates organizzaw seminar ta’ ġurnata bit-tema: Taħriġ fl-Analiżi ta’ l-Istimi ta’ l-Impatti Ambjentali  (EIA).  Dan is-seminar sar fis-7 ta’ Novembru 2007, u reġa ġie repetut fit-8 ta’ Novembru 2007, id-darbtejn fil-Coastline Hotel.

     

 

Karl Fuller, id-Direttur ta’ Sherwood Sustainability & Environment Associates, mexxa dan is-seminar.

L-għan ta’ dan is-seminar kien biex il-parteċipanti jsiru aktar kapaċi janalizzaw l-istimi ta’ l-impatti ambjentali (EIAs) kif ukoll, biex jifhmu d-dokumenti ta’ l-EIAs, filwaqt li jużaw l-aħjar mezz biex jiktbu u janalizzaw l-EIA, u jaslu biex jgħarfu l-problemi sinifikanti.

Għal dan is-seminar ta’ taħriġ kien hemm numru sabiħ ta’ parteċipanti minn numru ta’ taqsimiet tal-MEPA – l-Awtorità Maltija għall-Ambjent u l-Ippjanar, fosthom mit-Taqsima tal-Ħarsien tan-Natura (NPU), mit-Taqsima ta’ l-Ilqugħ u l-Kontroll tat-Tniġġis (PPCU), mit-Taqsima ta’ l-Immaniġġar ta’ l-Iskart (RMU), mill-bordijiet konsultattivi, fosthom il-Kumitat Konsultattiv tal-Wirt Naturali (NHAC), u anki parteċipanti professjonisti li ġew minn numru ta’ kumpaniji privati li jispeċjalizzaw fl-ippjanar u fl-istimi ta’ l-impatti ambjentali, kif ukoll esperti fil-qasam ta’ l-ambjent.

 

 

Il-ftuħ tas-seminar minn Karl Fuller (xellug), Direttur ta’ Sherwood Sustainability & Environment Associates, flimkien ma’ Alfred E. Baldacchino (lemin) Direttur tal-Proġetti (Komunikazzjoni, Edukazzjoni, u Tisħiħ tal-Kuxjenza Pubblika – CEPA) ta’ l-IES.

 

 

 

Seminar ta’ taħriġ għall-ħaddiema tal-bajjiet

 

L-Istitut għal Studji Ambjentali – IES, organizza seminar ta’ nofs ġurnata għall-ħaddiema tal-bajjiet.  Dan sar bħala parti mill-programm ta’ l-Awtorità tat-Turiżmu ta’ Malta biex  tinnomina żewġ bajjiet lokali bħala bajjiet Blue Flag.  Iż-żewġ bajjiet li qiegħdin jiġu kkunsidrati bħala bajjiet Blue Flag huma l-Bajja ta’ San Ġorg, San Ġiljan, fejn ġie miżjud ir-ramel fil-bajja, u dak f’Buġibba.

 

Dan is-seminar li kien imfassal għall-ħaddiema tal-bajjiet ta’ l-Awtorità tat-Turiżmu ta’ Malta, bil-għan li jwassal tagħrif lill-ħaddiema tal-bajjiet dwar is-sistema tal-Blue Flag, u l-kriterji meħtieġa biex bajjiet jakkwistaw il-Blue Flag, tagħrif fuq il-proġetti tal-bajjiet artifiċjali ta’ San Ġorg u ta’ Buġibba, l-immaniġġar tal-bajjiet, kif ukoll tagħrif fuq il-ħajja u l-ambjent naturali tal-baħar. 

                

Minbarra l-IES, taw sehemhom ukoll in-NatureTrust (Malta), kif ukoll l-ADI Associates Environmental Consultants.  Fost il-parteċipanti li attendaw għal dan is-seminar, kien hemm Beach Cleaners, Life Guards, Beach Supervisors, il-Beach Manager, u uffiċjali għolja mill-Awtorità tat-Turiżmu.  Dawk kollha li attendew ġew mgħotija ċertifikat ta’ attendenza.

 

 

Bidu għall-Eko Diving

Il-kunċett ġdid ta’ l-Eko Diving - Għadds ekoloġiku – ġie varat fit-3 ta’ Awissu 2007 fil-Coastline Hotel.  Fost il-mistidnin kien hemm skejjel ta’ l-għadds, għaqdiet ta’ l-għadds, u organizzazzjonijiet oħra li għandhom interess fl-għadds.  Ftit ġranet wara li dan il-kunċett ġie varat, l-IES, offra żewġ għadsiet ta’ prova lill-dawk interessati.  Dawn ġew milqugħa tajjeb minn dawk li ħadu sehem.

Eco Diving huwa fost l-attivitajiet edukattivi li l-IES qiegħed joffri.  Jekk inti tixtieq li tiehu sehem f’xi waħda minn dawn l-għaddsiet ekoloġiċi, jekk jogħġbok kellimna.

 

 

          

                            Ritratti meħuda waqt l-attivita

                    3 ta' Awissu 2007, Coastline Hotel

 

Taħriġ bażiku fil-bioloġija tal-baħar I

 

Kors ieħor li l-IES organizzat dan l-aħħar kien dak fit-taħrig bażiku fil-bioloġija tal-baħar.  Dan tmexxa wieħed f’Mejju u l-ieħor f’Settembru 2007.  Dawn iż-żewġ korsijiet kellhom kemm lezzjonijiet, kif ukoll ħin fil-laboratorju u anki ħdejn il-baħar.  Fit-tnejn kien hemm numru sabiħ ta’ dawk li ħadu sehem li fost oħrajn, kienu għaddasa biċ-ċilindri, snorkelers, u impjegati ta’ organizzazzjonijiet tal-gvern.  Fost l-għaddasa biċ-ċilindri kien hemm uħud li huma wkoll għalliema ta’ l-għadds fl-iskejjel ta’ l-għadds, kif ukoll imsieħba fl-għaqdiet ta’ l-għadds.

 

Wieħed jista’ jara aktar tagħrif fuq il-kontenut ta’ dan il-kors:

 

Kontenut tal-kors
 

 

Xi ritratti meħuda matul dan il-kors

 

 

     

Uħud minn dawk li ħadu sehem

                 

 

   

 Parteċipanti waqt l-attivita viċin il-baħar

 

 

   

                           Waqt it-taħriġ fil-laboratorju

 

 

 

Parteċipanti waqt id-diskussjoni fi gruppi

 

        

It-Torri tad-Dwejra (Dwejra Heritage Park, Għawdex)

Il-wirja ta’ tagħrif fit-Torri tad-Dwejra, turi il-ħajja kif ukoll l-ambjent naturali tal-baħar taż-Żona Marittima Mħarsa (Marine Portected Area).  Dan it-tagħrif xjentifiku wżat f’din il-wirja kien imħejji u mfassal mill-IES.

                       

              

                  Ħarsa aktar mill-qrib tal-wirja tat-tagħrif

 

 

Institute for Environmental Studies İ 2007
All rights reserved.
English     Malti  

Aħbarijiet u Avviżi

more

Korsijiet imfasslin għal matul l-2008 

 

Wara s-suċċess tal-kors introduttorju fuq il-flora, l-fawna u l-ambjent naturali tal-Gżejjer Maltin, li kien imniedi aktar kmieni din is-sena, l-IES qed jipprepara kors intermedjarju bl-istess tema. Dan il-kors ser jittella’ bejn is-17 u s-26 ta' Novembru 2008.

 

Korsijiet

more

L-IES joffri numru ta’ korsijiet qosra marbuta max-xjenzi ambjentali.  Korsijiet fit-tul li jwasslu għal-degree jew diploma, għadhom mhux qed jiġu offruti għalissa.

Riċerka

more

L-IES għandu rabta mar-riċerka fix-xjenzi ambjentali, b’attenzjoni speċjali dwar l-ekoloġija u x-xjenzi naturali.

Attivitajiet imwettqa

Laqgħat għall-operaturi u l-impjegati ta' l-irziezet tal-ħut

 

Dawn il-laqgħat jiġbru fihom numru ta’ taħdidiet fuq aspetti bażiċi tal-ħajja ta’ taħt il-baħar u l-ambjenti tagħha, it-tkabbir tal-ħut u l-moniteraġġ ta’ l-attivitajiet ta' l-irziezet tal-ħut.

Attivitajiet ta' dan l-aħħar

 more

L-Ambjent naturali u l-ħajja li tgħix fihom fil-gżejjer Maltin

 

Dan il-kors ta' nntroduzzjoni fuq il-flora, l-fawna u l-ambjent naturali tal-Gżejjer Maltin ttella' mill-IES bejn is-17 u s-26 ta' Novembru 2008.

 

 

Introduzzjoni għall-EIA

 

L-IES tella’ kors ta’ jumejn fuq il-prinċipji ta' l-istima ta’ l-impatt fuq l-ambjent bejn l-24 u l-25 ta’Ġunju 2008, bħala l-ewwel minn sensiela ta' korsijiet fuq l-istima ta’ l-impatt fuq l-ambjent.

 

 

EIA u SEA: passat, preżent u futur

 

L-IES tella’ seminar ta’ jumejn fuq l-istima ta’ l-impatt fuq l-ambjent u l-istima strateġika mill-aspett ambjentali.  Dan is-seminar ittella’ bejn it-8 u d-9 ta’April 2008.

 

 

Siġar Indiġeni Maltin

 

L-IES tella' kors qasir filgħaxija fuq is-siġar indiġeni Maltin, bejn il-11 u t-13 ta’ Frar 2008.  Minħabba t-talba li kien hemm għal dan il-kors, dan reġa ġie mtella’ bejn it-18 u l-20 ta’ Frar 2008.

 

 

Seminar ta’ taħriġ dwar l-analiżi ta’ EIA

 

L-IES flimkien ma’ Sherwood Sustainability & Environmental Associates (UK), tellgħu seminar ta’ ġurnata fuq Environmental Impact Assessment, Review Training.  Dan is-seminar sar fis-7 ta’ Novembru 2007 fil-Hotel Coastline fejn reġa ġie mtella’ l-għada t-8 ta’ Novembru 2007.

 

 

Seminar ta’ taħriġ għall-ħaddiema tal-kosta

29 ta' Ottubru 2007

 

Dan is-seminar bil-Malti ta’ nofs ta’ nhar, kien jifforma parti minn attivitajiet li l-Awtorità tat-Turiżmu ta’ Malta għandha l-ħtieġa li tagħmel bħala parti mill-proċess biex tagħżel żewġt ixtut lokali biex jiġu meqjusa bħala xtut Blue Flag.

 

 

Bidu għall-Eko Diving

3 ta' Awissu 2007

 

Il-kunċett ġdid ta’ Eko Diving, ġie varat fil-Hotel Coastline bil-għan li joffri attività ta’ għadds ġdid għal dawk li jixtiequ jsiru jafu aktar fuq l-ambjent tal-baħar tal-Mediterran.

 

 

Taħriġ bażiku fil-bioloġija tal-baħar I

 

Dan il-kors offra tagħrif fuq l-aspetti differenti ta’ l-ambjent tal-baħar, kif ukoll żjarat kemm viċin u taħt il-baħar kif ukoll fil-laboratorju.

 

Wirja ta’ tagħrif fid-Dwejra Tower – Għawdex 

 

Plakek b’tagħrif fuq iż-Żona Marittima Mħarsa li hemm fid-Dwejra Heritage Park Għawdex, ġew iddiżinjati bla ħlas mill-IES u mgħoddija lin-Nature Trust.

Made by
Square Concept